Pirtûka "Dilê Xwezayê" derket!

Pirtûka min a bi navê "Dilê Xwezayê" weke e-pirtûk derket! Yekem Pirtûka min, piştî demekê weke çapkirî jî dê bê weşandin.

Di rûpelên vê pirtûkê de, kurteçîrok û helbestên ku di salên 2011-2019'an de hatine nivîsandin û di hin malper û kovaran de weşandine, cih digirin. Du Çîrokên Nivîskarê bo Kurdî ji aliyê Nivîskarê ve hatin wergerandin. Her wiha çîrokeke zarokan û çend Helbestên werger jî di pirtûkê de hatin weşandin. Hûn dikarin pirtûka min a yekem, ji kayaonur3065@gmail.com'ê bixwazin.

Nivîskar: Rûmet Med

Cure: Çîrok-Helbest

Rûpel: 43

Di Dilê Xwezaya Dîrokê de Newayên Rengên Biharê: Xalîd Reşîd

Hunermend, Arkeolog û Nivîskarê Kurd Xalîd Reşîd (Xalid Rashid), di sala 1968'ê de li bajarê Silêmanî ji dayîk bûye û ji sala 1998 bi vir de, bi zaravaya Goranî ya Kurdî re gelek albûmên muzîkan derxistine.

                       

Hunermendê Kurd Xalîd Reşîd li Stokholma Swêdê beşdarî Akademîya Hunerên Bedew û Beşa muzîkê bû. Hunermend li Swêdê ji Beşa Şûnwarnasîyê (Arkeolojî) mezûn bûye û perwerdehiya xwe ya Lîsansa Bilindê di heman beşê de kir û du pirtûkên wî yên li ser cihên Arkeolojîyê Başûrê hene.

 

Hunermend Xalîd Reşîd, di mijarên muzîkên Kurdî, Farsî û Azerî de, weke Akademîk xwedî zanîneke berfireh e. Hunermend li ser amûrên muzîkên Gelêrî yên Kurdan, wekî "Balaban, Flût, Ûd û hin Amûrên Jenî" xebitî û bû pispor.

                       

Xalîd Reşîd Ji Wezareta Çand a Swêdê xelata bi navê "Stipendiom" wergirt. Hunermend di sala 1996'ê di komcivîna hunermendên Kurd de, weke serok hate hilbijartin û ji bo avakirina Orkestreya Neteweyî ya Kurdî peywir girt. Xalîd Reşîd di sala 1999'ê de li Rûsyayê di warê muzîkê de weke akademîk xebitand û hin stranên klasîkên Kurdî qeyd kirin.

Hunermendê Kurd Xalîd Reşîd, xebatên xwe yên li ser muzîk, huner û zanistî didomîne.

Albûmên Xalid Reşid:

Balaban - 1997
Xelwet - 1998
Clasik Mosko - 2002
Eshik Nema  - 2004
Buki Eware - 2005
Jiger Koshekem

Çavkanî: https://wikivisually.com/wiki/Xalîd_Reşîd

Nivîs û Amadekar: Rûmet Med

4 Fîlmên Derhêner Krzysztof Kieślowskî

4 Fîlmên bêhempa û mezin ên Derhênerê navdar ê Polonî Krzysztof Kieślowskî

Çîrokên jiyanên ên cuda û resen... Sîtavên reng û dengên ên kolanên jiyanê... Rêwîtî, xweza, rastîhevhatin û hest û ramanên mirovî...

Krzysztof Kieślowskî yek ji Derhênerên herî serketî yên rêbaza "Sînemaya Helbestkî" ye. Di fîlmên wî de bikaranîna ronî û muzîkan ciyekî girîng û taybet digirin û bi hevokên zimaneke alegorik û helbestkî ve xwe derbirin dike..

Çîrokên Fîlmên ên Krzysztof Kieślowskîyê wekî xewneke xweş û spî diherikin û me di rûyê kolanên jiyanê de digerin....

4 Fîlmên Derhênerê navdar Krzysztof Kieślowskî:

"La Double Vie De Veronique" (1991)

Fîlmên Rêze yên "Sê Reng":

"Trois Couleurs: Bleu" (1993)

"Trois Couleurs: White" (1994)

"Trois Couleurs: Rouge" (1994)

Krzysztof Kieślowskî (27'ê Pûşpera 1941'ê - 13'ê Adara 1996'ê)

Amadekar û nivîs: Rûmet Med

Ken Loach bi fîlma xwe ya nû di Cannesê de

72'yemîn Festîvala Fîlman a Navneteweyî ya Cannesê di 14'ê meha Gulanê de dest pê kir û bernameya festîvalê heta dîroka 25'ê meha Gulanê dê bidome.

Derhênerê navdar Ken Loach, bi fîlma xwe ya nû bi navê "Sorry We Missed You" (2019) re, digel lîstikvanên fîlmê ve di bernameya nîşandanên fîlman ên 72'yemîn Festîvala Fîlman a Navneteweyî ya Cannesê de ne.

Derhênerê navdar ê İngilîz li ser cîhanê û di dîroka sînemayê de bi fîlmên yên rastîbîna cîvakî û azadîxwaz ve têne naskirin û fîlmên wî di bernameya gelek Festîvalên Fîlman de hate nîşandan û xelatan wergirtin.

Wêneyan: @Festival_Cannes #KenLoach #Cannes2019

Rûmet Med

Kovara Kund bi dosyeya Fatma Savci re Derket!

Hejmara 5'emîn a Kovara çand û hunerê "Kund" bi dosyeya Helbestvan û Nivîskara Kurd Fatma Savci re derket!

Kovara "Kund"; nivîs, gotar, lêkolîn, hevpeyivîn û nûçeyên ku li ser pirtûk, çand û hunerê diweşîne û bi Kurdî çar mehê carekê derdikeve.

Hejmara 5'an a Kovara Kund'ê bi mîzanpaj û sêwirandineke nû ve derçû û li pêşberî xwendevanên xwe.

Ji bo agahî û têkilî: instagram/twitter: kovarakund / facebook: Kovara Kund

Nûçe: Rûmet Med

Yekem Fîlmên Bêreng, Rengîn û Bideng ên Cîhanê

Nivîs: Rûmet Med

Wekî tê zanîn ku yekem fîlmên cîhanê; kurtefîlmê bi navê "L'arrivée D'un Train en Gare de La Ciotat" (Têketina Trênê ji Gara Ciotatê re,1895) û kurtefîlmê "La Sortie Des Usines Lumière à Lyon" (Karkerên ku ji Fabrîqeya Lumière Derdikevin, 1895), ji aliyê Birayên Lumière (Auguste û Louis Lumière) ve weke bêreng hatine kişandin.

Her du fîlm, bi gelek fîlmên din ve di sala 1895'ê de li Parîs a Fransayê di cafeyekê de hatine nîşandan.

Li dû salekê ango di sala 1896'ê de, ji aliyê yekem derhênera Jin Alice Guy-Blaché ve yekem fîlma biçîrok  “La Fée aux Choux” hate kişandin û li gorî hin agahî, derhênera Frensî Alice Guy-Blaché ji zêdetirî 1000î fîlman kişandine.

Bi van fîlman, di destpêka sînemayê de gelek derhêner û çêkerên wekî Auguste Marie Louis Nicolas, Louis Jean fîlmên xwe kişandin û temaşevanên sînemayê her ku diçe zêde bûn. Di sala 1902'ê de fîlmeke bi navê "Le Voyage Dans La Lune" ji aliyê derhênerê Fransayê Georges Méliè ve weke bêdeng hatiye kişandin û ev fîlm yekem fîlma "Pevxistina Zanistî" ya sînemaya cîhanê ye ku qala rêwîtî û geşta heyvê, dike.

Yekem fîlma rengîn a cîhanê, weke fîlma bi navê "Annabelle Serpentine Dance"ê (1894) ya William Kennedy Dickson tê pejirandin.

Piştî vê fîlmê, di sala 1899/1902'ê de ji aliyê sînematograf û dahênerê Îngilîz Edward Raymond Turner ve hin dîmenên rengîn hatine kişandin. Van dîmenên bireng di Arşîva Neteweyî ya Enstîtûya Fîlman a Britishê (BFI) de ne û ji aliyê kuratorê Muzeya Medyaya Neteweyî ya Bradfordê Michael Harvey ve hatine peydakirin û ji qada dijîtal re hatine veguhestin. Di destpêka vîdyoyê de; Sê Zarok, tûtî, gulberojk û fanûseke têne dîtin.

Her wiha di sala 1918'ê de kurtefîlmekî bi navê "Cupid Angling" ji aliyê Derhêner Leon F. Douglass ve hatiye kişandin. Di sala 1939'ê de, yekem filmên dîrêj û rengîn ên dîroka sînemayê bi navê "The Wizard f Oz" û "Gone With The Wind" ên derhênerê Amerîkayî Victor Flemingî, hatine kişandin.

Fîlma bi navê "The Dickson Experimental Sound Film" yên Dickson û Thomas Edisonê, yekem fîlma bideng a cîhanê tê qebûlkirin û bi bikaranîna Kinetophone ve hatiye kişandin.

Nivîs: Rûmet Med (Rûmet Onur Kaya)

Çavkanî:
“Fîlm” – Michael Wood / Weşanên Dost, Rûpel: 31, 32 û 34. Ji Beşa “Hızlı Bir Tarihçe”

“Sinema Tarihinin Ilk Kadını: Alice Guy-Blache” / Ceyda Canbey (Gotar)

“Sedsala Sînemayê” (Sinemanın Yüzyılı) – Nivîskar: Giorgio Vincenti / Weşanên Evrensel, Rûpel: 28.

https://rumetmed.blogspot.com/2019/02/yekem-derhenera-jin-alice-guy-blache.html

-https://www.filmloverss.com/sinema-tarihinden-20-ilk/

https://www.bbc.com/turkce/multimedya/2012/09/120914_vid_oldest_colour_film

https://www.imdb.com/title/tt0032138/

https://www.imdb.com/title/tt0031381/

https://www.imdb.com/title/tt0177707/

Hemû Fîlmên Wong Kar-Wai dê wek restore bêne weşandin!

Hemû fîlmên derhênerê navdar ê Japonyayê Wong Kar-Waiyî, dê di sala 2020'ê de bi Restoresyonên 4K ve bêne weşandin.

Wong Kar-Wai yek ji derhênerên Pêla Nû ya Duyemîn ê Hong Kongê ye û li ser cîhanê, bi fîlmên xwe yên "Chungking Express", "In The Mood for Love", "Happy Together", "2046", "Fallen Angels", "Days of Being Wild", "The Grandmaster", "Ashes of Time Redux"ê ve tê zanîn.

Derhênerê navdar Wong Kar-Wai, ji bo kişandinên fîlma xwe ya nû, bi navê "Blossoms"ê xebat û amadekarîyên xwe didomîne.

Çavkanî: www.filmmakermagazine.com

Nûçe: Rûmet Med

Humarê Laserî ê Pancin Vecîya! / Hejmara Pêncemîn a Laserê Hate Weşandin!

Humarê Laserî ê Pancin vecîya! / Hejmara Pêncemîn a Laserê hate weşandin!

Hejmara nû ya Fanzîna "Laser" derket û li pêşberî xwendevanên xwe. 

Fanzîna "Laser" ji aliyê Xwendekarên Zanîngeha Çewlîgê ve, wek Zaravayên Kurdî, Zazakî û Kurmancî têne derxistin û di rûpelên fanzînê de; nivîs û gotarên ku li ser çand, ziman û jiyanê cih digirin.

Ji bo agahî û têkilî: kovaralasere@gmail.com 

İnstagram / Twitter / Facebook : kovaralaser

Nûçe: Rûmet Med

7. Festîvala Belgefîlman A FîlmAmed dest pê dike!

7. Festîvala Belgefîlman a FîlmAmed li Amedê dest pê dike. Festîval îsal di navbera dîrokên 8 û 12'ê meha Gulanê de, ji aliyê saziya sînemayê "Mezopotamya Sînema" ve dê li dar bikeve.

Bernameya 7. Festîvala Belgefîlman A FîlmAmed hate eşkere kirin:

 

Nûçe: Rûmet Med

Dengê Newa û Peyvên Jiyanê: Hasret Gultekîn

Peyv û newayên bi hezaran salan in, di nava herikîn û kûrahîya xwezaya dîrokê de, bi rengên xwe yên wekî bihar û bihuştê deng bi deng têne bihîstin.. Bi dengên xwe yên zelal û jidil ve; êş, şahî û hêviyên ên gelê xwe, hemû mirovahîyê û jiyanê dide der û hest û ramanên xwe tînin zimanê... Dilê wî qîrîneke bêdawî ye, bi deng û hilma xwe re awazên stranên hêviyê, rastînê û wijdanê distrîne...

"Dilo Yeman", "Derman Sendedir", "Dilbera Min", "33 Kurşun", "Arix", "Dersim Dört Dağ İçinde", "Newroz e", "Bir İnsan Ömrünü", "Zor e", "Dîlek", "Malê", "Hember Caganda", "Sevgi Kuşun Kanadında", "Xezal", "Kucaklarım Seni", "Demmî Demmî", "Semah", "Güle Yel Değdi", "Dello Lo" "Cirigam", "Newaya Koçgirî" "Telli Turnam" "Nar Çocuk", "İnsan Oğluyum", "Rüzgarın Kanatlarında", "Dağlar Atamadım Sevdamı", "Çeke Çeke", "Acıyı Bal Eyledik", "Canım Oğlum" , "Merhaba Çocuk", "Böyle Olur mu", "Ömrüm Nerde" û Newayên gelek Kilam û Stranên din... Ji dengê dilê Hozan û Hunermendê nemir Hasret Gultekîn re têtin bihîstin û ji erdnîgariya jiyanê re belav û mezin dibin û germa ronîya xwe didin li dilê mirovan û jiyanê...

Hunermendê nemir Hasret Gultekîn bi eslê xwe Kurdê Elewî yê herêma Koçgirî ye û li Kamîlava (İmranlı) ya Sêwasê ji dayîk bûye. Hasret Gultekîn, di 6 saliya xwe dest bi sazê û hunerê kiriye û li Stenbolê mezin bûye, lê wî ji çand û nirxên xwe ji dûr neketîye û êş, şahî û hêviyên gelê xwe û hemû mirovahiyê anîne zimên. Hunermendi weke hest û ramanê nêzîkî fikra rastîbîniya civakî ye û di warê muzîkê de xwe perwerde kiriye û gelek gotin nivîsîne û Ahmed Arîf, Pîr Sultan, Hasan Huseyîn Korkmazgîl jî têde ne, berhemên gelek helbestvan û hozanên navdar beste kiriye.

Hasret Gultekîn, di jiyana xwe ya hunerê de, bi Kurdî û Tirkî gelek albûmên muzîkê derxistîne, di gelek albûman de derhêneriya muzîkê kiriye, ji bo hin albûmên hunermendan alîkar bûye û li gelek bajaran bêhejmar konsêran daye û hunermend di heman demê de hosteyê mezin î sazê ye. Hunermendê Kurd Hasret Gultekin, sê albûmên muzîka bi Kurdî amade kiriye û di nav albûman de weke derhênerê muzîkê cih girtiye ku ji bo weşandina albûman hewl û kedên mezin daye.

Hûnermendê mezin Hasret Gultekin di 2'ê Tîrmeha sala 1993'ê de, bi hev 33 Rewşenbîr, Hozan, Hunermend û Xebatkarên Otêlê ve, li Sêwasê jiyana xwe ji dest da.

Hunermendê nemir Hasret Gultekîn, sê albûmên muzîka Kurdî yên bi navên "Newroz - Enstrûmental" (1990). "Newroz - Kilamên Kurdî" - (1990). Newroz - 2 (1992). derxistine. Mijarên newa û peyvên stranên ên albûmên mûzîkê li ser çand, dîrok û jiyana Kurdan e. 

Stranên ku di nav albûmên "Newroz" de cih digirin, zaravayên Kurmancî, Zazakî û Soranî ne û piraniya stranan gelêrî ne. Di nav albûman de gelek hunermend stran û kilam gotine û cureyên kilam û stranan; govend, lawij (lawje), dastan, zêmar û enstrûmental û hwd. in.

Hunermendê Kurd Hasret Gultekîn, bi peyv û newayên kilamên xwe ve, rê û dilê mirovahî û jiyanê ronî û germ dike û bi hest û ramanên xwe yên qenc û xweş, bû nemir...

Nivîs: Rûmet Med