Hejmara Yekem a Fanzîna "Sînemaya Serbixwe" Derket!

Hejmara yekem a fanzîna "Sînemaya Serbixwe" derket!. Fanzîn weke e-fanzîn derçû û tê de nivîs û gotarên sînemayê û çand-hunerê cih digirin.

Navnîşanê Lînka Fanzîna "Sînemaya Serbixwe" Hejmar 1: http://sinemayaserbixwe.blogspot.com/2018/12/fanzina-sinemaya-serbixwe-hejmar-1.html

Pirtûka Ruhê Dilê Mirovahiyê û Jiyanê...

Nivîskar û Ramangêr Frantz Fanon di Pirtûka xwe ya bi navê "Les Damnés De La Terre" de; dahûrîneke Civakî (Sosyolojîk), Çandî, Rojane, Mirovî dike û ruhê (bêruhê) çaxê nûjenê rave dike...

Pirtûk, xebat û lêkolînekê girîng e û asoyên nû vedike.. Pêşgotina Pirtûka "Les Damnés De La Terre", Wêjekar û Ramangêrê Marksîst Jean-Paul Sartre nivîsî ye.

"Yeryüzünün Lanetlileri"
Wergêr: Lutfi Fevzî Topaçoglu
Weşanxane: Weşanên Avesta
Rûpel: 304 - 2001

Dîtina Wêneya Mezin...

"Gava ku jiyan didome (berdewam dike) li her derê tiştên cuda dibin...", ev hevoka filmê "Amélie (2001)" bi hest û ramaneke Diyalektik, hebûn û xwezaya jiyanê dide der...

Xwezaya jiyanê bi xwe, ji hest û ramanan ve pêk tê, û bi peyv, dîmen, wêne û newayên zimanê ve watedar û xuya dibe... Derbirinên wan, ruh û dilê jiyanê tînin zimên û dengên wan çavkanî û sîtav e...

Êşên birînan û rengê tariyan, bi şînbûna bihara xwezaya jiyanê re bi dawî dibe, û dil û ruhê biharê bi rûyê xwe germên ronî yên bêdawî tîne...

Şînbûna biharê xiyal û hêviyan, bi dilên jidil û zelal ve qor bi qor mezin û xuya dibin, rengê rûyê wan cejn û bihuşt e...

Peyv bi peyv û newa bi newa mezin dibe rûyê zimanê rastînê, di jiyanê de; Xwebûn, Hez û Wicdan dimîne, dîtina wêneya mezin girîng û pêwîst e...

Nivîs: Rûmet Med

Dîrok: 05.12.2018

"Derhênerên Jin ên Cîhanê"

Lêkolîneke li ser sînema û xebatên Derhênerên Sînemayê Jinan, "Derhênerên Jin ên Cîhanê" (Dünya Kadın Sinema Yönetmenleri), di sala 2016'ê de ji aliyê Agora Kitaplığıyê ve derketî bû.

Nivîs û gotarên ku di pirtûkê cih digirin ji aliyê Gabrielle Kelly û Cheryl Robson ve hatin berhevkirin. Pirtûk, qala sînema û xebatên ên Yekem Derhênerê Jin Alice Guy-Blaché û Jane Campion, Lucrecia Martel, Park Nam-ok, Haifaa Al-Mansour, Safi Faye, Yeşim Ustaoğlu ve dike.
Pirtûka "Derhênerên Sînemaya Jinên Cîhanê" lêkolîneke girîng û watedar e. / Rûmet Med

"Derhênerên Jin ên Cîhanê" (Dünya Kadın Sinema Yönetmenleri)
Nivîskar/Amadekar: Gabrielle Kelly û Cheryl Robson
Wergêr: Nazli Pakkan
Weşanxane: Agora Kitaplığı @agorakitapligi
400 Rûpel

Pirtûka "Dîroka Şanoya Kurdî"

Pirtûka "Dîroka Şanoya Kurdî", jêdereke li ser dîrok û geşedana şanoya Kurdî ye û ji hêla Nivîskar/Şanoger Çetoyê Zêdo û Yavuz Akkuzu ve hate amadekirin.

Ev pirtûka girîng, di sala 2015'ê de ji aliyê Weşanên Peywend re hate weşandin û piştî salekê bo Tirkî hate wergerandin û ji Weşanên Evrenselê derketî.

Pirtûka "Dîroka Şanoya Kurdî" qala ji destpêkê heta salên 1990î serboriya şanoya Kurdî û geşedana dîrokî ya Şanoya Kurdî ve dike. Di nav pirtûkê de  gelek wêne û belgeyan cih digirin. / Rûmet Med

"Dîroka Şanoya Kurdî" temsîla nasnameya kurdî ya ku di hunera şanoyê de pêk hatiye dişopîne û vê dîroka ku di qonax û kelepora kurdî ya sedsala 20an de dirûv girtiye, weke mijar hildigire. Ev pirtûk ji çavkaniyên şanoya kurdî heta serdemên dîrokî, pêkhatina şanoya kurdî tevî hemû lîteratura wê, ango ji destpêkê heta salên 1990î serboriya şanoya kurdî radixîne ber çavan.
Di vê berhemê de, lêkolînên sereke yên li ser dîroka şanoya kurdî, gelek fotograf û belge cih digirin. Pirtûk ji bo şanoger û xemxurên hunera kurdî, bangî keşifkirina dîroka şanoyê dike û wêneyekî giştî nîşanî xwendevanan dike. (Weşanên Peywend)

Nivîskar/Amadekar: Çetoyê Zêdo û Yavuz Akkuzu
Weşanxane: Weşanên Peywend
288 rûpel

Du Pirtûkan û Dilê Rastînê...

Pirtûka "Agirê Sînema Amûdê" ya Ahmedê Namî, Ji Hevpeyîvînên (Roportaj) ku li ser Şewata Sînemaya Amûdê hatine nivîsandin re pêk tê û qala jiyan û rewşa civakî ya demê û cîhanê ve dike.

"Namî, me ji nameya te zanî
Seyda yî ji bo melay Xanî" / Cigerxwîn

Nivîskar: Seyda Ahmedê Namî
Weşanxane: Weşanên Jîna Nû / 1987

Nivîskar û Lêkolîner Profesor Calvin Luther Martin, di pirtûka xwe ya "Riya Mirovê" de qala çîrokên jiyanên Gelên Çermsoran û Eskîmoyan ve dike, hest û ramanên xwe yên ku derbarê rewşa îroyîn me tîne ziman.

"Dema ku dara dawîn hate birîn
Dema ku çema dawîn ziwa bibe
Dema ku masiya dawîn bimire;
Hingê hûnê dê fêm bikin ku dirav (pere) ne tiştekî xwarinê ye..." / Gotinê Peşiyan a Çermsor
(Son ırmak kuruduğunda,
Son ağaç yok olduğunda,
Son balık öldüğünde;
O zaman paranın yenmeyen bir şey olduğunu anlayacaksınız... / Kızılderili Atasözü)

Li Stenbolê "Rojên Kurtefilman"

Navenda huner û çandê "ŞA Performans", li Stenbolê di navbera dîrokên 7, 8 û 9ê meha Berfanbarê (Kanûn) de dê "Rojên Filman" li dar bixe. Di Rojên Filman de, 12 Kurtefilmên Kurdî ên xelatgirtî dê bêne nîşandan.

Danîşana filman dê 3 rojan didome û bi beşdariya Derhênerên Kurtefilman gotûbêjan jî dê bibe.

Bernameya "Rojên Filman":

Nûçe: Rûmet Med