Çend Pirtûk, Hevok û Helbestan

Li Ser Rojnamegeriya Kurdî Du Pirtûkên Girîng û Jêderk.

Pirtûkên "Rojnamegerî û Pîvanên Wê Yên Sereke" û "Ferhenga Çapemeniya Kurdî" ji bo destpêka Nûçegihanî û Rojnamergeriya Kurdî çavkanî û jêderkên girîng in.

"Nûçe çi ye, çawa tê nivîsîn, çawa tê şopandin, qalibên nûçeyê yên bi kurdî kîjane, nûçegîhan kî ye, taybetiyên wî/ê çi ne, hevpeyvîn çawa tê kirin?"

"Rojnamegerî û Pîvanên Wê Yên Sereke" / Cemîl Oğuz - Weşanên Pêrî

"Ferhenga Çapemeniya Kurdî / Kürtçe Basın Sözlüğü" - Osman Aslanoğlu - Weşanên Nûbihar

              ---------------------------------------------

Pirtûka "Kadın, Yoksul ve Kürt", lêkolîneke li ser jiyana Jinan û rewş û mercên civakî ye. Lêkolîn, ji aliyê Civaknas û Akademîsyen Nacîye Yildiz re hate amadekirin û xebateke Civakî, Çandî, Zayendî, Aborî, Çînî û Rojane ye...

Naciye Yıldız
Weşanên Notabene

 "Hawar dengê zanînê ye. Zanîn xwe nasîn e.
Xwenasîn ji me re rêya felat û xweşiyê vedike.
Her kesê ko xwe nas dike; dikare xwe bide nas kirin.
Hawara me berî her tiştî heyîna zimanê dê bide nas kirin.
Lewma ku ziman şertê heyînê ya pêşîn e..."

Celadet Elî Bedirxan

Çavkanî: "Rojnamegerî û Pîvanên Wê Yên Sereke" - Nivîskar: Cemîl Oguz

"Nexmê we ji perdeyê derînim
Zînê û Memî ji nû ve vejînim

Derman bikim ez ewan dewa kim
Wan bê mededan ji nû ve rakim..."

"MEMOZÎNA XANÎ" pirtûkeke li ser nivîskarê navdarê Kurd Ehmedê Xanî ye û qala çîroka Mem û Zîn'ê re dike...

Nivîskar: Celadet Alî Bedirxan
Weşanxane: Weşanên Avesta
Rûpel: 117 - 2016

Ji bo dîtin, fêmkirin û têgiştina xwezayê û jiyanê û herîkîna demê, nerîneke (bergeh) diyalektik divê... Bêyî sedeman, encaman weke nefambar, xelet û kêmasî dimînin... 

Pirtûka "Rêgezên Bingehîn ên Felsefeyê" ya Nivîskar û Rewşenbîrê nemir Georges Politzer, ruhê dil û girîngiya nerîna Diyalektikê û Felsefeyê rave dike... 

"Ê ko evîna sêvê ketî dil, sêvê ketî dil

ah-divê nepirsî, 

Sêv nayê destan bê derd û bê kul, bê derd û bê kul

ah-divê ne tirsî,

Tehlî nebênî xortê evîndar, xortê evîndar 

ah-naxwî tu şêrîn,

Pir kes di vê rê dil bûn birîndar, dil bûn birîndar

ah bûne Cegerxwîn..." 

Cegerxwîn / Ji Pirtûka "Sewra Azadî", Helbesta 'Sêvê', Rûpel: 215 

Weşanên Avesta - 2003

Romana "Memê Zirav", bi hevokên rastînê ve diaxive û bi ruhê dilê xwe dibe rengê hêviya biharê û bêdemsal şîn tê û vedibe... 

"Memê Zirav 1" (İnce Memed) / Yaşar Kemal 

Wergêr: Zeynel Abidîn

Weşanxane: Weşanên Havîbûn - 2003

"Ger derîyên têgihanê hatibana paqijkirin, her tişt ji bo mirov dê wekî xwe xuya bikira: Bêsînor/Bêdawî.." 

William Blake

Rehendên û sînorên têgihîjê (têgihan), rêwîtiyeke bêhempa û jidil, di rûyê rastîn û hişê de...

Pirtûka "Derîyên Têgihanê: Bihuşt û Dojeh" ya Nivîskar û Ramangêrê navdar Aldous Huxley, me di sînorên rastînê û derbirinê de, germiya ronahiyê asoyê de digerîne...

"Deriyên Têgihanê: Bihuşt û Dojeh", ji bo fêmkirin û têgihîştina doh, îro û sibeyan û diyalektîka xwezayê û jiyanê; jêderk, xebat û lêkolîneke balkêş û watedar e...

"Algı Kapıları: Cennet ve Cehennem" / Aldous Huxley
Ji Îngîlîzê: Mehmed Fehmî Îmre
İmge Kitabevi

Li Hundir

Haya te jê heye dîwarê kevir?
Deriyê hesin, pencira kor,
Belîfa min, razeka min, zincîra min,
Wêneya xemgîn a ku li zula min
Ku ez rê ya te de diçûm mirinan
Û ji mirinan dihatim
Haya te jê heye?
Dîtevanê min, pîvaza hişîn şandiye,
Cixara min qurnefîl bêhn dide
Bihar hatiye çiyayê welatê min…

Ahmed Arîf
Wergerandin: J. Alpîranî

Pirtûka "Çîrok Di Nav Çîrokê de; Khimaira", ji çîrokên mîtolojîk ve pêk tê... 

Rûpelên ev pirtûka xweş û ronî, xwendevanê xwe di kolanên û warên ên erdnîgariya cîhanê de digerîne, qala çîrokên êş û janên Jinan û Xwezayê ve dike... Zimanî pirtûkê balkêş, fambar û jidil e...

Nivîskar: John Barth 

Werger: Aslî Bîçen

Weşanên Ayrıntı - 1995 

"Ez êşek bejn bilind im 

nerim ser milê xemekî din jî 

tenê serî rakim 

birîn li ku be em hev dibînin..."

(Ben uzun boylu bir sızıyım, 

başka bir acının, omzuna konmadan;

yaralar nerede ise beni bulur

yoksullar nerede ise ben onları bulurum...)

Şêrko Bêkes

"Helbestvanek, ji bo giyanê bixe tevgerê dinivîsîne. Ne ji bo ku pûtperestan xwedî bike..." 

(Bir şair, ruhu harekete geçirmek için yazar. Putperestleri beslemek için değil...) 

Ji Filmê "Zerkalo" - 1975 / Derhêner: Andrey Tarkovskî 

Wêne: Pirtûka "Andreî Tarkosvky Interviews" - Berhevkar: John Gianvito

"Hin caran axaftina heman zimanî têrî nake, yek jî divê mirov ji heman cihê re fêm bike..."

(”Bazen aynı dili konuşmak yetmez, bir de aynı yerden anlamak gerekir...)

Thomas Stearns Eliot

'Ziman û rengê êşan nabe, hemû janên êşan xwişk û bra ne...' / Rûmet Med

"Wek Huner Sînema", pirtûkekê li ser hunera Sînemayê ye, qala ruhê dil û rastîna "Hunera Heftemîn"ê re dike.. Xebat, li ser hemû cîhanê lêkolînek pir baş e û ji bo lêkolîneran û xwendevanan jêderkekê girîng e...

"Sanat Olarak Sinema"
Rudolf Arnheim
Weşanxane: Weşanên Hil

Amadekar û Nivîsên ku li ser pirtûkan: Rûmet Med