Ziman û ruhên hin peyv, newa û wêneyan hene...

Xwezaya jiyanê bixwe, ji hest û ramanan ve pêk tê û bi peyv, dîmen (wêne) û newayên zimanê ve watedar û xuya dibe.. Derbirinên wan ziman ruh û dilê jiyanê tînin zimanê û dengên wan çavkanî û sîtav e...

Şînbûna biharê xiyal û hêviyan bi dilên jidil û zelal ve qor bi qor mezin û xuya dibin, rengê rûyê wan cejn û bihuşt e...

Ba qulipî hîv tê werbû

havîn hişk bû stran kerr bû
madê payîzê re zer bû
şeqitî dem li dor û darê

hinar sor in bîhok zer e
li dû quling qaz koçber e
bi gûzê re j'gûn diwere
gewez bûn pel li çinarê

temaşê de lê guhdar im
nala xuşînê ez xwarim
dibêje hejke xembar im
dem payîz e'l sipîndarê

dem payîz e xem payîz e
dilînek bi dil dilîze
nola hemû daran zîz e
hinar û danê êvarê

temen li dû, payîzek tê
buhar biçê havînek tê
ha vê wextê ha vê wextê
kîşwer şaş bûn li min û yarê... 

Helbest: Arjen Arî - Helbesta "Dem Payîz e" 

Wêneyan: Leonid Afremov