Mîhrîcana Fîlmên Jinan a Uçan Sûpurgeyê dest pê dike!

22'emîn Mîhrîcana Fîlmên Jinan a Navneteweyî ya Uçan Sûpurgeyê îsal di dîroka 23'ê meha Gulanê de li Enqereyê dest pê dike û dê heta 30'ê Gulanê bidome.

Mîhrîcana Fîlmên Jinan a Navneteweyî ya Uçan Sûpurge ji salê 1998'ê bi vir de ji aliyê Komeleya Uçan Sûpurgeyê ve, bi armanc û hewla xuyakirina ked û xebatên derhêner-sînemavanên Jinan, tê lidarxistin.

Festîvala Fîlmên Jinan a Navneteweyî ya Uçan Sûpurgeyê îsal 22'yemîn car dê li dar bikeve. Îsal cara yekem, ji 5 parzemînên cîhanê filmên jinan dê beşdarî Festîvala Uçan Sûpurgeyê bibin û di çarçoveya festîvalê de; her sal nîşandanên fîlman, panêl û hevpeyvînan têne kirin.

"Festîvala Fîlmên Jinan a Uçan Sûpurgeyê" di 30'ê meha Gulanê de dê bi dawî bibe û xelatên mîhrîcanê bi merasimek dê bêne dayîn.

Ji bo agahî û têkilî: www.ucansupurge.org.tr

twitter: ucansupurgeukff
İnstagram: ucansupurgee
facebook: ucansupurgefestival

Nûçe: Rûmet Med