Pirtûkeke nû ya Kurdî ya li ser senaryoyê li pêşberî xwendekar, sînemager, lêkolîner û sînemahezan e. “Ji Bo Fîlmekî Senaryo” ji alîyê A. Rahîm Kiliç ve hate amadekirin ku li ser pêvajoya afirandin û nivîsandina senaryoyê disekine. Pirtûka senaryoyê çavkanîyeke nû ye ku ji kesên ku dixwazin senaryoyê binivîsin ve bibe alîkar, ji Weşanên Avestayê derket.
“JI BO FÎLMEKÎ SENARYO” di qada sînemayê de xebateke nû ye ku li ser afirandin û nivîsandina senaryoyê disekine, ji 176 rûpelan pêk tê. Pirtûk ji alîyê Weşanên Avestayê ve hate weşandin.
“Dibêjin, “Berê gotin hebû.’’ Îro jî heye û li nav me jî heta tu bêjî xurt e. Bi vê kitêba li ber destê we jî nivîskar hewl dide, me hînî vegotineke nû bike. Hûnera afirandina senaryoyeke bêkêmasî, dibe ku wekî labîrentekê mistîk, tevlihev û wekî cîhaneke nenas bi heyecan be. Ev kitêb rêberek e ku ji we re bibe alîkar da hûn kesên xwedî gotin çîroka xwe ya awarte biafirînin. Nivîskar di her beşeke kitêbê de perdeya ser çîrokê radike û çîroka xwîner ber bi perdeya spî ve dibe. Di kitêbê de serpêhatiyên şexsî, şîret û temrînên pîşeyî yên nivîskar hene da ku xwendevan bikaribe hêz û jêhatîbûna xwe bi pêş ve bibe. Pratîk û temrînên bo nivîsandina çîrokê, sazkirina senaryoyê, pêşketina karakter, afirandina diyalogan, xeta vegotinê û hwd. çend mînak in ji van.
“Ji bo Fîlmekî Senaryo” di rewîtiya we de ya ji çîrokekê ber bi senaryoyê ve rêberek e. Bi mînakên balkêş hemû xalên senaryoyê hatine vegotin û bo ku çîroka we bi hemû balkêşiya xwe bixemile, pêdiviyên xwîner radixîne ber çavan. Piştî xwendina vê kitêbê xwîner, bi zimanê fîlmekî dihise û ji bo ku li dû zimanê fîlmê xwe here, baştir bala xwe dide têgehên weke dem, cih, karakter, tevgerên kamerayê û hwd.” (Nivîsa danasîn a pirtûkê)
Sînemaya Serbixwe – www.sinemayaserbixwe.com
Hiç yorum yok: