"Pirtûkan Dil û Rihê Xwezaya Jiyanê ne" / Vê Hefteyê Çend Pirtûkan

Pirtûka "Memozîna Xanî" li ser nivîskarê navdarê Kurd Ehmedê Xanî ye û qala çîroka Mem û Zîn'ê dike.. Ev xebata girîng û watedar a rewşenbîrê Kurd Celadet Alî Bedirxan helbest û nivîsên din ên derbarê Ehmedê Xanî anîne ba hev...

Nivîskar: Celadet Alî Bedirxan
Weşanxane: Weşanên Avesta

Pirtûka "Zayend, Nîjad, Çîn", Ji Nivîsên rewşenbîr û aktîvîstê navdar Selma James'ê ku di navbera salên 1953-2005an de hatine nivîsandin ve pêk tê.. Lêkolîneke li ser jiyan û mafên jinan e û berhevokên nivîsên Nivîskarê îroyîn jî rojane û asoyan vedike...

"Hinkerê Zimanê Kurdî" yekem pirtûka hinbûna Kurdî ye û ji aliyê "Kürt Talebe - Hêvî Cemiyeti" ve di sala 1921'ê de li Stenbolê wek du zaravayên Kurdî, Kurmancî û Soranî hatiye weşandin. Xebata rêziman û hînbûnê ji aliyê weşanên bgst ve di sala 2008'ê de ji nû ve hatiye çap kirin.

Xebata "Bi Hemû Filmên Xwe Yilmaz Guney" hemû mijar û kurteyên çîrokên filmên Derhêner û sînemavanê navdarê  cîhanê Yilmaz Guney'ê berhev kiriye û bi wêneyên filmên yên derhênerê ve hatiye weşandin. Nivîskar / Amadekar: Agah Özgüç - Weşanxane: Agora

"Yeşim Ustaoğlu: Av, Mirin û Rêwîtî" xebateke li ser sînemayê "auteur" a derhênerê navdarê jin Yeşim Ustaoglu'yê ye û tê de lêkolîn û hevpeyîvîn ên ku der barê filmên derhêner Ustaogluyê hatine kirin cih digirin. Amadekarê pirtûkê Mizgîn Mujde Arslan jî derhêner û sînemavan e, gelek belgefîlm, kurtefilm û lêkolînên wê yên li ser sînemayê hene. Pirtûk ji aliyê Weşanên Agora'yê hate weşandin.

Pirtûka helbestê "Qeydan Kevn Kir Min Ji Hasreta Te" yê Helbestvan û Rewşenbîrê Navdar Ahmed Arîfê, di sala 1992'ê de ji aliyê Werger Felat Dilgeş re, bo Kurdî hate wergerandin û ev pirtûka mezin û girîng di warên wêje, huner û jiyanê de bandoreke mezin lê kir. Pirtûkê Helbestvanê Nemir Ahmed Arîf'ê, ji aliyê Weşanên Koralê hatibû weşandin.

"Heftê û Du Nefî" pirtûka helbestê yê Helbestvan û Rewşenbîrê Kurd Arjen Arî ye. Di nav pirtûkê de 57 helbest heye û helbestvanê nemir hest û ramanên xwe anîye ziman û wekî pirtûk û helbestên din  hêviya jiyanê mezin û şîn kiriye. /
Nivîskar: Arjen Arî
Weşanên Evrensel

Pirtûka "Kusî Jî Dikarin Bifirin" Senaryoya filmê derhênerê navdarê Kurd Behmen Qubadî ye û di heman demê de tê de nivîs û hevpeyîvînên li ser filmê cih digirin. Li ser Sînemayê Behmen Qubadî çavkaniyeke girîng e. Pirtûk ji aliyê Weşanên Avesta re hate weşandin.

Dilê hez û evînê û daxwaza dengê hêvî û rizgariyê...
"Spêleyek li Ewropayê digere - Spêleya Komunîzmê" bi vê hevokê ve dest pê dike pirtûka "Manîfestoya Komunîst" û tê de wiha nivîsibûn ramangêr û rewşenbîrên mezin Karl Marx û Friedrich Engels; "Hemû Karkerên Cîhanê û Gelên Bindest Bibin Yek", ev hevok banga dil û hêviya hemû mirovahiyê ye û xwezaya jiyanê ronî û germ dike... Pirtûk li ser têkoşîna çîna karker û kedkaran e û qala daxwaza jiyaneke nû û xweşê dike.. Behsa merc û şertên ji sedsala 19'emîn ve dike û pirtûkeke dîrokî, rojane ye û peyvên hevokên vê asoyan nû vedike û dibe şînbûna hêviya biharê...

Nivîskar: Karl Marx û Friedrich Engels
Werger: Samî Tan
Weşanxane: Yordam Kitap

Pirtûka "Ferhenga Somerî-Kurdî û Kurdî-Somerî" wek duzimanê hatiye amadekirin û bi qasî 1500 peyvên Somerî hene, wateya wan a bi Kurdî hatiye danîn. Ev xebat ji bo zimanzan, dîroknas û lêkolîneran çavkaniyeke girîng û watedar e.

Amadekarên Ferhengê: Suleyman Yıldırım, Mamê Elî / Weşanxane: Ajans J&J

Pirtûka "Di Sînemayê de Xewn" li ser têkilîya ên Sînema û Derûnnasî'yê ye û bi hin mînakên filman ve qala kirûya xewnê û bîr û binbîrê re dike...

"Xewnan xwediyê wateyekê ne. Ji ramanên wan ên xeyalê hene û ev ramanan di bingehê ku jiyanên me yên hişyarî de cuda nînin..." Şîroveya Xewnan / Sigmund Freud. "Di Sînemayê de Xewn / Sinema'da Rüya" - Nivîskar û Amadekar: Fîdan Ahmet. Weşanxane: Marjinal Kitap

*Xewnan Sîtava Rastîna Jiyanê ne.

"Nivîskaran, endezyarên ên ruhên mirovan in..."
Dibêje Stalîn.

Wêje, huner û felsefe; neynik û sîtavên çand û jiyanê mirovahî û xwezayê ne. Wêje, qala hest û ramanên civakan dike û şert û mercên jiyanê nîşan dide.. Wêje û hunerên ku hest û ramanên van ji aliyê ên gelên bindest û rêncberan de ne, ev ronahiya hêviya rizgariyê ne û hertim dê mayînde bimînin... Nivîskar û wêjenas Terry Eagleton, di Pirtûka lêkolîna xwe ya 'Marksîzm û Rexneya Wêje" ê de, bi pêwendiyeke diyalektik ve, qala wêje û hunerê dike û ji hest û ramanên xwe yên ku di warê wêje û hunerê de tîne zimanê.. Pirtûkek girîng û watedar e... Nivîskar: Terry Eagleton / Weşanên İletişim