Koma muzîka kurdî Siya Şevê li Stenbolê û Amedê di meha Adarê de du konsertan li dar dixe û derdikeve li pêşberî guhdarên xwe.
Koma rock a muzîka kurdî Siya Şevê li bajarên Stenbolê û Amedê di du konsertan li dar dixe û derdikeve ser dikê. Siya Şevê, di dîroka 6ê meha Adarê de li Yuri Gagarin a li Stenbolê û di 13ê Adarê de li Pirayeya Amedê derdikeve li pêşberî guhdarên xwe û stranên xwe yên têne hezkirin distire.
Koma Siya Şevê yek ji komên muzîk ên herî serketî yên muzîka kurdî ye û herî dawî di sala 2018'ê de albûmeke bi navê “Li Pey Siya Xwe” derxistine. Siya Şevê, heta niha 4 albûmên muzîk ên Kurdî bi navê; “Zeng”, “Pûç”, “Bêyom” û “Li Pey Siya Xwe” belav kirine. Hêjayî gotinê ye ku endamên komê, Gokçe Selîm û Serhat Temel di lijneya kovara muzîkê ya Ziryabê de cih digirin ku kovar niha amadekariya hejmara çaremîn dike. (Ziryab)
Nûçe - Rûmet Med
Hiç yorum yok: