98emîn Xelatên Akademîyê hatin dayîn

Nûçe: Rûmet Med

Xelatên Akademîyê (Oscar) îsal cara 98emîn li Şanogeha Dolbyê ya li Los Angelesa DYAyê bi merasimek hatin dayîn. Fîlmê Paul Thomas Andersonî yê "One Battle After Another" xelatên 'Fîlmê Herî Serketî', 'Derhênerê Herî Serketî' û "Senaryoya Lêanînê ya Herî Serketî" jî têde 6 xelat girtin. Fîlmê Ryan Cooglerî yê "Sinners" 4 xelat girtin.

Paul Thomas Anderson di axaftina xwe de bal kişand li ser tevlihevîya cîhanê û got, "Ez senaryoya fîlmê xwe ji bo nifşên nû weke nameya lêborînê û hêvîyê nivîsîme." Lîstikvan Javier Bardem bi rozeta xwe banga aştîyê kir. 

Di dîroka Oscarê de cara yekem derhênereke jin, Autumn Durald Arkapaw xelata "Sînematografîya Herî Serketî" (Derhênera Dîmenê ya Herî Serketî) girt û îsal cara yekem xelata "Castinga Herî Serketî" hate dayîn. Di merasîma xelatdayînê de bal kişandin li ser rewşa cîhanê, hêza aştîxwaz û çakbînî ya sînemayê.

98emîn Xelatên Akademîyê:  

 

Fîlmê Herî Serketî: One Battle After Another - Paul Thomas Anderson  

Derhênerê Herî Serketî: Paul Thomas Anderson (One Battle After Another) 

Lîstikvana Herî Serketî: Jessie Buckley (Hamnet) 

Lîstikvanê Herî Serketî: Michael B. Jordan (Sinners) 

Lîstikvana Alîkar a Herî Serketî: Amy Madigan (Weapons) 

Lîstikvanê Alîkar ê Herî Serketî: Sean Penn (One Battle After Another) 

Fîlmê Navneteweyî yê Herî Serketî: Sentimental Value (Norwec) 

Derhênera Dîmenê ya Herî Serketî (Sînematografîya Herî Serketî): Autumn Durald Arkapaw (Sinners) 

Senaryoya Lêanînê ya Herî Serketî: Paul Thomas Anderson (One Battle After Another) 

Senaryoya Resen a Herî Serketî: Ryan Coogler (Sinners) 

Pevxistina Herî Serketî: Andy Jurgensen (One Battle After Another) 

Kurtefîlmê Herî Serketî:The Singers Two People Exchanging Saliva  

Belgefîlmê Herî Serketî: Mr. Nobody Against Putin  

Kurtebelgefîlmê Herî Serketî: All the Empty Rooms  

Anîmasyona Herî Serketî: KPop Demon Hunters 

Kurteanîmasyona Herî Serketî: The Girl Who Cried Pearls

Castinga Herî Serketî: Cassandra Kulukundis (One Battle After Another) 

Sêwirana Produksiyonê ya Herî Serketî: Tamara Deverell, Shane Vieau (Frankenstein) 

Sêwirana Kincan a Herî Serketî: Kate Hawley (Frankenstein) 

Sêwirana Por - Makyaj a Herî Serketî: Mike Hill, Jordan Samuel, Cliona Furey (Frankenstein) 

Muzîka Fîlmê ya Herî Serketî: Ludwig Göransson (Sinners) 

Strana Resen a Herî Serketî: Golden (KPop Demon Hunters) 

Dengê Herî Serketî: Gareth John, Al Nelson, Gwendolyn Yates Whittle, Gary A. Rizzo, Juan Peralta (F1) 

Efekta Dîtbarî ya Herî Serketî: Joe Letteri, Richard Baneham, Eric Saindon, Daniel Barrett (Avatar: Fire and Ash) 

Çavkanî: Altyazı, Beyaz Perde, The Academy